Gud, Jesus, Moses og Judas. Bibelen har mange menn som synest godt og som har fått mykje merksemd i åra som har gått sidan kristendommen oppstod som religion. Kvinnene i Bibelen har fått mindre fokus, trass i at også fleire av dei spelar viktige roller. 195 kvinner står med namn i Bibelen, og like mange er namnlause. Nokre er ambisiøse og skruppellause, og går over lik for å oppnå det dei vil, skaffar seg hovud på fat. Andre er kloke, modige leiarar, som bergar folket sitt frå ublide lagnader. Dei er døtrer, systrer og mødrer, og no har dei òg fått si eiga bok.

Forfattar Alf Kjetil Walgermo har tidlegare gitt ut m.a. Røff guide til Bibelen (2017). No er han aktuell med Bibelens kvinner. Historiene som forma verda, og i dette digitale foredraget ser han nærmare på korleis kvinner vert framstilte i bibelteksten, biletkunsten og i litteratur, musikk og film.

Videoen er ikke lenger tilgjengelig.