Frosken kjenner seg så merkeleg. «Du er forelska», seier haren, og så må frosken finne ut både kven han har forelska seg i, og korleis han skal få sagt ifrå. Ein annan gong finn frosken ein ven som dei andre seier berre er ein teddybjørn som ikkje kan snakke. Men frosken får bjørnen til å snakke, og dei blir bestevener. Men kva skal frosken gjere når den vesle bjørnen vil reise heim att? Passar best for barn frå tre år.