Prosalong:

Prosalong:

bookmark

Skeiv kanon

lørdag 29. oktober 2022, kl. 17:15 til kl. 18:00

Sal: Berner-kjelleren

Arrangør: Norsk Sakprosafestival

Inngang: Gratis - Ingen påmelding

I samarbeid med Norsk sakprosafestival inviterer Prosa til paneldebatt og lansering av Prosa 5/22 med tema «Kampsak».

Sakprosabøker kan vere viktige ressursar for aktivisme, der finn ein fakta, argumentasjon og historier til inspirasjon. I høve Skeivt kulturår 2022 vil Prosa setje søkelys på kva rolle sakprosa har hatt i kampen for LHBT-rettar i Noreg.

Vi spør: Kva bøker har vore dei viktigaste? Kor mykje og på kva måte har bøkene påverka aktivismen? Kor mykje betyr representasjon? Må ein sjølv leve som skeiv for å kunne skrive truverdig om skeive liv?

Jan Olav Gatland er forfattar, tidlegare førstebibliotekar ved Universitetsbiblioteket i Bergen, kritikar og tidsskriftredaktør. Har ein artikkel i Prosa 5/22 om kva som er skeiv kanon for han. Siste bok: ‘Lars Berg. Rikspornograf og kulturforkjempar’ (2020)

Inge Ås er veteran i kvinnerørsla, coach, kunstnar og forfattar. Siste bok: ‘Vi spiste, sov og drakk feminisme’ (2020).

Caroline Ugelstad Elnæs (f. 1995) debuterte med romanen ‘Yoona’ i 2019. Ho jobbar til dagleg som journalist i det skeive magasinet Blikk. I haust kom sakprosaboka ‘Skeive ikoner’, som ho har skrive saman med forfattar Bjørn Hatterud og fotograf Fin Serck-Hanssen.

Ordstyrar: Siri Lindstad er frilansjournalist, arrangementsansvarleg ved Gjøvik bibliotek og litteraturhus og ein av leiarane for Versus – Skeive litterære dager. Forfattar av boka: ‘Å fylle L-ordet med mening’ (2010)