Russisk litteraturhistorie på seksti minutter 8Foto: Herborg Pedersen. Bearbeidet av Gladesigner.

Mørk sommar

bookmark

Snikkikk med Ragnar Hovland

tirsdag 17. juli 2018, kl. 18:00

Sal: Kjelleren

Arrangør: Litteraturhuset

Inngang: Gratis

Historikaren Matteus Olstad vaknar av at politiet bankar på døra. Hans nærmaste nabo, Olivia Havnen, er blitt drepen i løpet av natta, kvelt i si eiga seng. Same dag dukkar den ti år gamle niesa hans opp, for å bu hos han i sommarferien. Mens politiet arbeider med mordsaka, strevar Olstad med å få ferdig den definitive bygdeboka om Nes kommune. Mysteria i bygda blir djupare og djupare, i bakgrunnen ligg den skremmande skogen, og Olstad kjenner seg stadig meir sentral blant mange mistenkte.

Ragnar Hovland (f. 1952) er ei av dei mest særeigne stemmene i norsk litteratur. Sidan debuten Alltid fleire dagar i 1979 har han gitt ut over femti bøker i dei fleste sjangrar, for både vaksne og barn. Han har mottatt ei rekkje prisar, mellom anna Kritikerprisen, Brageprisen, Dobloug-prisen og Bastian-prisen.